SÍMBOLOS.
TERRA.
MEMÓRIA.
De Ortegal ao Minho, de Fisterra ao Mançanal. Levamos os símbolos da Galiza às ruas e reivindicamos a nossa memória coletiva.
UM PROJETO
DE PAÍS.
O Projeto Estreleira é umha iniciativa sócio-política nascida do movimento popular galego em 2021.
Surgimos da necessidade de voltar a pôr na rua a reivindicaçom dos direitos nacionais e de espalhar os emblemas da nossa Terra. Perante o silenciamento da nossa simbologia, trabalhamos para fazê-la visível e conhecida.
Queremos que esta tarefa chegue a todo o território, das cidades ao rural, e que os nossos símbolos, a língua e a memória histórica ocupem o espaço público que lhes corresponde.
SÍMBOLOS
Da bandeira sueva ao Antigo Reino, da sereia de Castelao à estreleira: divulgar as nossas ensenhas é fazer visível a nossa história.
TERRA
Defender a Galiza é também cuidar do território, do meio natural, do rural e das formas de vida que nos identificam.
MEMÓRIA
Recuperamos e socializamos feitos históricos e o trabalho das geraçons que construírom a consciência nacional galega.
AÇÕES QUE
FAZEM PAÍS.
Encontros, campanhas, atos de memória e presença da nossa simbologia em todos os recantos da Galiza.
A Muralha de Estreleiras
Umha cadeia humana de bandeiras na muralha de Lugo, em memória da I Assembleia Nacionalista de 1918.
Desfile da República Galega
Memória da proclamaçom republicana de 1931 e presença dos estandartes das comarcas galegas.
Irmanamento Galiza e Portugal
Um espaço de irmandade e aproximaçom entre povos unidos por laços históricos, culturais e linguísticos.
Desdobres de bandeirons
Grandes ensenhas levadas a espaços emblemáticos para tornar visíveis os símbolos da Galiza.
Jantar republicano
Um encontro de convívio arredor da memória e da reivindicaçom republicana galega.
De naçom a república
Umha iniciativa para refletir sobre a trajetória nacional galega e a sua expressom política.
Galiza aos quatro ventos
Despregue simultâneo de grandes ensenhas em Fisterra, Ortegal, Ancares e Salvaterra.
Colada de simbologia
Difusom de símbolos nacionais em diferentes pontos da Galiza para os devolver ao espaço público.
Atos 24J
Iniciativas de encontro, memória e reivindicaçom coletiva.
DA MEMÓRIA
À AÇOM.
Pico Sagro e muralha de Lugo
Despregue de umha grande estreleira no Pico Sagro e cadeia de bandeiras em Lugo, com mais de 600 pessoas, para reivindicar a I Assembleia Nacionalista.
Memória republicana em Ourense
Homenagem à proclamaçom da I República galega de 1931, com os estandartes comarcais realizados por Héitor Picallo e Elena Penas.
Encontro sobre o Tambre
Despregue de duas grandes ensenhas nacionais e jornada de irmandade para recordar a I República galega.
Galiza aos quatro ventos
Grandes bandeiras em Fisterra, Ortegal, Ancares e Salvaterra para reivindicar a liberdade do país.
A língua e a Terra em Couso
Inauguraçom de um monólito com versos de Celso Emílio Ferreiro, numha jornada partilhada com a Comunidade de Montes de Couso.
Roteiros de memória e Dia da Pátria
Atividades arredor da Revoluçom galega de 1846 e novas iniciativas no Dia da Pátria, com presença nas ruas de Compostela.
A GALIZA
FAZEMO-LA
ENTRE TODAS.
Queres acompanhar as nossas iniciativas, partilhar materiais ou colaborar com o projeto? Encontra-nos nas redes e ajuda-nos a espalhar a simbologia galega.
Segue Estreleira no Instagram ↗