Situada no noroeste do país, limita a norte com  Océano Atlántico, a leste com as comarcas da Corunha e Ordes, a sul com Ordes e Costa da Morte e a oeste com  Océano Atlático.

Esta comarca tipicamente atlántica situa-se no arco nortenho da Costa da Morte, e tem como núcleo histórico a vila de Carvalho. A bisbarra artelha-se por volta do rio Anlhons, que vertebra um vale de formas suaves que remata num grande esteiro, antes de desaguar na ria de Corme e Laje. Trata-se dumha terra de perfis pouco accidentados, nas que apenas salientam cúmios como o do Monte Castelo, beirando os 600 metros. É conhecida na Galiza inteira polos seus magníficos areais, referenciais para as amantes do surf: Baldaio ou Raço tenhem ganhado sona internacional.

Bergantinhos é terra marinheira, nucleada no porto de Malpica; e agrícola, com umha importante produçom de pataca; graças a Bunho, é um dos referentes históricos da olaria no nosso País.

Toda a história galega está representada nos restos desta bisbarra: o megalitismo, com dolmes como Dombate; importantes castros de grande antiguidade, como Borneiro; arquitectura medieval, como as Torres de Mens; ou mostras de construçom pacegas, como a casa natal de Eduardo Pondal, o bardo galego que compujo o nosso hino. Nos tempos recentes, a história da zona liga-se ao nacionalismo popular, nomeadamente graças à sua implicaçom na luita em defesa do areal de Baldaio na etapa da Reforma política, onde queremos destacar a figura de Olivia Pose, umha das mulheres que liderou o movimento e da que partiu a ideia de ocupar de jeito simbólico o areal.

Acidentes geográficos:

Picos: Monte Branco, Neme

Lagoas: Baldaio

Rios: Anlhons, Rio Grande

Cabos: Santo Hadriám, Ponta Nariga, Roncudo

Ilhas: Sisargas

Rias: Corme e Laje

Vales: Vale do Anlhons