Situada no nordeste do país, a norte com as comarcas da Marinha e Terra de Návia-Eu, a leste com Terra de Návia e Vale de Íbias, a sul com os Ancares e a oeste com Lugo e Terra Chá.

A comarca de Burom é a mais nortenha das que componhem as chamadas Montanhas Orientais; de clima oceánico de montanha, marcada por duros invernos e chuvas persistentes, o seu valor natural está reconhecido por se incluir na Reserva da Biosfera Eu-Oscos-Terras de Burom. De vocaçom agrogadeira e muito virada para a produçom florestal desde a implantaçom industrial do monocultivo, conserva porém espaços naturais praticamente virgens, como o bosque da Fervença, o faial da Marronda ou o bosque de Carvalhido, que acolhe exemplares centenários de teixos. Pola sua riqueza hidrográfica e o relevo accidentado, é terra de seimeiras ou fervenças. Muitos dos afluentes do Eu, o Rodil ou o Suarna formam cascatas no seu percurso.

A primeiros do século XX, as Terras de Burom vírom a ediçom dumha exitosa imprensa agrária de mao d’O Tio Pepe, monolíngue em galego; a finais da mesma centúria, em 1991, a vizinhança de Fonsagrada protagonizou umha massiva revolta popular contra o esquecimento das administraçons, que incluiu umha greve geral e mesmo vizinhança presa.

Acidentes geográficos:

Serras: Serra da Lastra, Montes da Fonsagrada, Montes dos Chaos, Serra do Poço

Picos: Busbeiro, Bieira, Pasadama, Pena da Andorinha, Pradoiro.

Rios: Neira, Eu, Návia, Íbias, Rodil, Suarna.

Vales: Vale de Parada Velha, Vale de Baleira.