Populaçom: 5.000 habitantes (aprox.)
Concelhos: Folgoso do Courel, Quiroga e Ribas de Sil.
Cabeceira de comarca: Quiroga.
Gentílico: courelense.
Situada no bloco oriental do país, limita a norte com a comarca dos Ancares, a leste com as comarcas do Berzo e Valdeorras, a sul com Terra de Trives e a oeste com Terra de Caldelas, Terra de Lemos e Sárria.
Comarca de interior com importantes variaçons de altitude e de grande valor ecológico, a mais importante reserva verde do país. Cá podemos atopar a maior joia natural da Galiza: a Devesa de Rogueira. A serra que forma esta comarca tem peculiaridades geológicas que lhe merecêrom a qualificaçom de monumento geológico da Europa. No Courel tenhem representaçom todas as árvores -nom litorais- autóctones e estám catalogadas mais de 170 espécies de vertebrados.
Geograficamente aqui tem o seu berce Galiza hai uns 350 milhons de anos. Todas as terras que conformam o país juntárom-se no que se conhece como Pregue deitado do Courel, após a progressiva fusom dos continentes de Laurásia e Gonduana.
Todo isto nom é entrave para a violência colonial, que projetou lá um mega-parque de eólicos. As repercussons na avifauna desta área protegida seria devastadora, além do feroz impacto visual.
A destacar, Angelita de Banho, artista que mantivo vivos os brindos, (nome que receve o canto improvisado no Courel), sendo umha das maiores regueifeiras da montanha luguesa que, junto com muitas outras, tomarom a iniciativa de manter as nossas tradiçons; e como nom, o habitante com mais sona da comarca, o mítico Apalpador, que vive nas suas devesas e leva castanhas às crianças galegas ao chegar o solstício de inverno.
Acidentes geográficos destacados:
Covas: Cova da Arcoia, Cova de Ceça, Cova do Urso, Buraca das Choias.
Lagoas: Lucença.
Montes: Serra do Courel, Montouto, Formigueiros, Pia Pássaro.
Rios: Lor, Quiroga, Selmo, Soldom.