Cada dia há umha única oportunidade para jogar. A comarca renova-se às 00:00 hh.

Na parte superior esquerda do teu dispositivo há um ícone dumha gráfica, premendo nel podes ver distintas estatísticas: o número de partidas jogadas, a percentagem de vitórias, a sequência de acertos atual e o teu recorde pessoal.

Também poderás comprovar a distáncia à que ficas de meia e a distribuiçom dos acertos.

Premendo o botom de compartilhar crearás umha ligaçom que podes colar e encaminhar por distintas aplicaçons (Twitter, Whatsapp, Telegram, Facebook…).

Quem receve a ligaçom pode ver se logra-che, em quantas oportunidades o logra-che, e quanto te aproxima-che em cada intento, mas nom poderá ver as tuas escolhas nem a comarca a adivinhar.

É umha representaçom cromática que aparece quando compartilhas os resultados. É equivalente à percentagem que podes ver na quarta coluna mentras estás a jogar. Cada quadrado verde representa um 20% da distância e o amarelo um 10%.

A distáncia mede-se de capital a capital de comarca. Portanto, os km indicados som desde umha a outra cabeceira, em linha recta.

Quando premes na barra de comarca aparece a listagem das possibilidades que há. É provável que a tua escolha nom apareça na listagem ou que nom estea escrita do mesmo jeito. Lembra que a divisom comarcal é sempre discutível, polo que quiçá a que tu queres escrever nom apareça nesta listagem.

Umha vez esgotadas as possibilidades de adivinhar, LoGaliza resolverá por ti a resposta correta. 

Sem dúvida. Já estamos a trabalhar na seguinte ediçom, que além de mapas incluirá outro tipo de pistas para identificar a comarca. Mas nom nos tiredes da língua, queremos que seja umha surpresa!

LoGaliza nom é umha aplicaçom. Se atopas umha App de LoGaliza é provável que seja umha imitaçom e recomendamos-che que a evites.

Se queres instalar a página web no teu telefone, podes atopar umha opçom no teu navegador com a opçom “engadir à página de início” ou algo semelhante.

Pois nom é, nom. As comarcas som a divisom natural e histórica da Galiza, e nunca fôrom reconhecidas polo Estado espanhol. Há algumhas propostas da Xunta, mas as instituiçons nom tenhem mais autoridade que os movimentos sociais para proporem nada neste respeito.

O mapa que nós usamos foi proposto polo independentismo no ano 2003. depois de umha exaustiva pesquisa numha comissom de NÓS-UP. A nós vale-nos mais umha proposta surgida do povo e das suas organizaçons do que os decretos de qualquer funcionário de Fraga ou Feijoo. Tampouco é que tenhamos que dar explicaçons: nom vamos impô-lo a ninguém.

Este mapa recolhe as comarcas historica e culturalmente galegas. Sempre é difícil estabelecer os limites,  porém nom fica outra soluçom quando se trata de desenhar um mapa. A nossa proposta pode ser controvertida, mas baseia-se nas formas de expressom do povo (língua, cultura, costumes, etc.), que sobardam claramente os limites da Comunidade Autónoma de Galicia. E a nós parece-nos mais digno de consideraçom o que faz e diz o povo do que o que nos decretam quem nos governe.