Situada na faixa cantábrica no norte do país, limita a norte com o Mar Cantábrico, a leste com a comarca de Terra de Návia-Eu, a sul com Burom e Terra Chá, e a oeste com Ortegal.

Ampla comarca no norte do país com paisagens de costa e altas montanhas, com o Mar Cantábrico no norte e a Serra do Gistral no sul separando a zona de costa da de interior.
Aqui tivérom lugar importantes episódios da história da Galiza, desde as  luitas irmandinhas, à decapitaçom do Marechal Pardo de Cela, a vingança do povo contra o marquês de Sargadelos, o desenvolvimento da pintora Maruja Malho, o assassinato da guerrilheira Antónia Diaz Perez…  Também tivo lugar umha das mais importantes marchas ecologistas do país, mobilizaçom que conseguiu frear a construçom de umha central nuclear em Jove.

Acidentes geográficos destacados:
Covas: Rei Cintolo.
Cabos: Ponta Roncadoira, Ponta de Morás, Cabo Burela.
Ilhas: Coelheira, Sarom.
Lagoas: Palhares.
Montes: Serra do Gistral, Monte Maior.
Rias: Ria do Barqueiro, ria de Viveiro, ria de Foz, ria de Ribadeu.
Rios: Eu, Landro, Masma, Ouro, Sor.