Situada no sul do país, limita a norte com as comarcas da Terra de Trives, Terra de Caldelas e Límia, a sul com Portugal e a oeste com Límia.

Comarca de interior,  a mais meridional do país, caraterizada por umha depressom originada polo rio Támega e os relevos que a circundam a leste,  onde a altitude chega aos 940 metros no Alto de Valdeágua. Também é atravessada pola falha denominada Creba da Corga, pola que fluem numerosos mananciais de águas minerais. Comarca com grande valor ambiental e histórico, popularmente conhecida polo entruido, o vinho e o imponhente Castelo que preside o val. No concelho de Monte Rei foi impresso por primeira vez um livro na Galiza, o Missale Auriens, tam só 35 anos depois da criaçom da imprenta por Gutemberg. A destacar a forte resistência ao franquismo, polo que foi umha das comarcas onde o fascismo espanhol exerceu a repressom mais feroz.

Acidentes geográficos destacados:
Montes: Serra da Queixa.
Rios: Támega, Búbal, Edrei.