Situada no bloco central, limita a norte com a comarca de Chantada, a nordeste com as Terras de Lemos, a leste com a Terra de Caldelas, a sul as comarcas de Arnoia e Terras de Cela, a oeste a comarca do Ribeiro e a noroeste a comarca do Carvalhinho.

Comarca de interior, do seu relevo podemos destacar o  val que formam o Minho e afluentes.  A sua cabeça de comarca, Ourense,  é umha das urbes mais grandes  do país, conhecida polas águas quentes que percorrem o seu sub-solo. Com um clima no que destacam os seus contrastes na temperatura, acadando temperturas moi altas no verao, das mais altas da península Ibérica, e moi baixas no inverno. 

 A comarca de Ourense possui umha funda história desde o Neolítico,  com restos que provam os assentamentos castrejos em Oira, Santo Tomé e Valdegola, entre outros.

 A origem da cidade de Ourense é romana, e ainda que existem dúvidas sobre a etimologia do topónimo, a primeira teoria é que foi denominada polo povo romano como Auriense, a cidade do ouro, metal que se atopava no rio Minho e motivou  que Ourense fose das cidades mais importantes da província romana de Gallaecia. Outra teoria é que provenha do latim aquae urente  (águas escaldantes).

Foi corte real durante o reinado de Karriarico e Teodomiro no Reino Suevo  e também forom relevantes as segundas Revoltas Irmandinhas de 1468.

 Mui marcada pola colonizaçom  da burguesia castelhana e o caciquismo, esta comarca foi umha das que mais  reagiu inteletualmente dando lugar à Geraçom Nós. Mas também é cenário de revoltas populares operárias, que desencadearom a  declaraçom da República Galega em 1931.

Acidentes geográficos destacados:

Montes: Monte do Castro.

Rios: Barbanha, Lonha, MInho, Sil.