Situada no sul do bloco ocidental, limita a norte com a comarca de Caldas, a leste com a de Terra de Montes, a sul com a do Morraço, Vigo e o Océano Atlántico e a oeste com o Océano Atlántico e a comarca do Salnês.

Comarca costeira das mais populosas do país com um grande património histórico e cultural. A sua cabeça de comarca, Ponte Vedra, situada ao fundo da ria do mesmo nome e banhada polo esteiro que forma o rio Leres, possui o segundo centro histórico mais importante do país trás o de Compostela. Com umha lenda renacentista que sostem que  foi Teucro -um heroi da Guerra de Troia- quem fundou a vila, o certo é que já existem restos que amosam assentamentos desde a idade do Bronce. Com umha rica história desde a antiguidade, queremos destacar fitos contemporáneos, como a constituiçom da Associaçom de Lavradores do País, a finais do século XIX, gérmolo do movimento agrarista que teria lugar décadas depois; a criaçom da Missom Biológica da Galiza em 1921, centro de investigaçom que repercutiu na melhora da economia labrega… e achegando-nos ao nosso tempo, as mobilizaçons contra ENCE que tivérom como primeiras protagonistas às mulheres das associaçons de mariscadoras da ria de Ponte Vedra. Entre outros pessoeiros, esta comarca viu nascer e morrer fuzilado ao patriota Alexandre Bóveda .

Acidentes geográficos destacados:
Ilhas: Tambo.
Ria : Ponte Vedra.
Rios: Agra, Leres.