Comarca situada no coraçom do país, limita a norte e leste com a comarca de Lugo, a sul com a de Sárria e Chantada e a leste com o Deça e a Terra de Melide.

Comarca de interior com relevo suave e vertebrado polo percorrido do rio Ulha que nasce no concelho de Antas, nos montes de Olveda. Está naturalmente delimitada por montanhas, a sudoeste a Serra do Farelo, a noroeste a Serra do Careom e a sudeste com a Serra de Vacaloura. Dentro desta comarca  atopamos  o ponto mais cêntrico da Galiza autonómica, concretamente no concelho de Antas de Ulha. Com umha populaçom muito dispersa, em só três municípios atopamos 107 parróquias, que se adica maioritariamente à gaderia, mas que nom tem em toda a comarca nengum centro de formaçom profisional de ámbito agrário ou agroalimentar que ajude a fijar populaçom, assi e tudo, nos últimos anos nascerom projetos que apostam pola dignidade e pola produçom ecológica, como é o caso de Arqueixal.

 Popular polo seu queijo com denominaçom de origem protegida e polo Castelo de Pambre, o único castelo galego que nom lográrom abater as Revoltas irmandinhas .

Acidentes geográficos destacados:
Montes: Serra do Careom, Serra do Farelo, Serra de Vacaloura, Montes Olveda.
Rios: Ulha, Pambre.