Situada no sul do país no bloco oriental, limita a norte com o Berzo, a leste com a Cabreira, a sul com as comarcas de Seabra e Viana e a oeste com a Terra de Trives e o Courel.

Comarca de interior caraterizada pola sua elevaçom, aqui é onde atopamos as maiores altitudes da Galiza autonómica. Também atoparemos lagoas e vales de origem glaciar.

Esta comarca está povoada desde tempos remotos, com umha via romana que a unia com Astorga e Braga. Alguns feitos importantes para o país acontecidos nestas terras fôrom o acunhado de moedas por parte de vários reis suevos (“caetras”), ter como vizinho o propulsor da aboliçom da Inquisiçom e o nascimento da guerrilha antifranquista com a Federaçom de Guerrilhas de Galiza-Leom,  queremos destacar a figura de Chelo Rodríguez López, combatente da 1ª Agrupaçom da Federaçom nascida em Soulecim, O Barco.

Acidentes geográficos destacados:
Serras e picos: Maciço Central, Serra do Eixo, Serra Calva, Pena Trevinca, Pena Negra, Pena Survia, Maluro.
Lagoas: Serpe, Ocelo.
Rios: Bibei, Sil, Xares.